Бір ғана Тәңірінің....

Адамзаттың бәрін сүй бауырым деп.

( Абай)
Бір ғана Тәңірінің,
Жаралған құлдар едік.
Хауа ана - Адам Ата
Ұлы мен қыздар едік.
Тәнімді топырақ қып,
Жанымды көктен берді.
Көктетіп әр тарапқа,
Ұлыс пен ұлтқа бөлді.
Бір ата тегі болсақ,
Татулық тамырым едің.
Адам боп жаралған үшін,
Адамзат бауырым менің.
Жалбыз иіс жұпармен жудым,
Жап-жасыл жанымның ішін.
Халықтың барлығын сүйдім,
Қазақ боп туғаным үшін.