Хаққа сенем, ал басқа неге сенем?

Хаққа сенем, ал басқа неге сенем?
Және жәми жалғанның кеңесінен,
Ант етемін адамзат ешқашан да,
Аса алмаған өзінің өңешінен.
Алланың хикметін кім түсінген?
Бүгінде тексізі көп тектісінен.
Құранды көрден кейінгі өміріңді
Көрге дейін түсінсін деп түсірген.
Ол мінсіз, ол ғажайып қазыналы,
Аллаға айт, адамға айтпа базынаңды,
Тәңірдің тағдыр деген несібесі,
Адамның ниетімен жазылады.